Back روبيرت هابك Arabic روبيرت هابك ARZ Роберт Хабек Byelorussian Robert Habeck Catalan Robert Habeck Czech Robert Habeck Danish Robert Habeck German Robert Habeck DIQ Ρόμπερτ Χάμπεκ Greek Robert Habeck English
Dr Robert Habeck (* 2. Septämber 1969 z Lübeck) isch e dytsche Bolitiker (Bindnis 90/Di Griene) un Schriftsteller. Syt em 8. Dezämber 2021 isch er Stellverdrätter vum Bundeschanzler un Bundesminischter fir Wirtschaft un Klimaschutz im Kabinett Scholz.
Vum 27. Jänner 2018 bis zum 14. Februar 2022 isch er näb dr Annalena Baerbock Bundesvorsitzer vu dr Griene gsii.
Anne 2009 isch dr Habeck iber d Landeslischt vu dr Griene zum erschte Mol in Schleswig-Holsteinische Landdag yyzoge un isch Fraktionsvorsitzer wore. Bi dr vorzogene Neiwahl 2012 isch er as Spitzekandidat vu syre Bartei aadrätte. No däre Wahl het dr Habeck bis 2017 as stellverdrättende Minischterbresidänt un Minischter fir Energywändi, Landwirtschaft, Umwält un Ländlige Ruum im Kabinett vum Torsten Albig amtiert. No dr Landdagswahl 2017 isch er am 28. Juni 2017 wider zum stellverdrättende Minischterbresidänt un Minischter fir Energywändi, Landwirtschaft, Umwält, Natur un Digitalisierig im Kabinett vum Daniel Günther ernännt wore. No syre Wahl zum Bundesvorsitzer vu syre Bartei het er s Amt vum stellverdrättende Minischterbresidänt abgee un s Amt als Minischter noch er Ibergangszyt im Septämber 2018.